مين فينا أدام المراية ؟!

موحشتش حد أنا في الأخر .. موحشتش حد ؟!
واللي خانوك واتشمّتوا فيك .. شمتوا بجد ؟!

تعالى نتحاسب وقوللي
مين فينا أدام المراية ؟!
لا حد غيري شاهد عليك
ولا حد باقي غيرك معايه


تعالى نتحاسب وقوللي
أنا ليه بجد بقيت أخاف؟
وعدّى فين العمر كله
وفين نزل لحم الكتاف
ومين يرجعني أشوف
اللي عمره ما كان يتشاف
ياما قولتلك الحب حاجه
غير الإنبهار والإستلطاف
يا ما قولتلك
الناس دي مش زيك ضعاف


ياما قولتلك تعالى نهجر
كل اللي في الآخر هجر
أديك لوحدك ف النهاية
مفضلش غير حبة صور
تبص لاصحابها النهاردة
أصنام على صورة بشر
واللي باعك عشان فلوس
هو اللي كان هيشتريك
عشان فلوس .. ويقول قدر
ياما قولتلك
الحب في السكة ساعات
ممكن يكون هو الحجر
والعمر أقصر م الأماني
لا يوم هتمسك شمس
أو تطلع قمر


ادينا ف الآخر هنا
انت وانا
صبري فنا
وضهري ف عز الشباب مني انحنى
وبكره عيد رقم أربعين لوحدنا
وسط الفجارى
وقلوب حجارة
وأهالي واكله حقنا
ومجتمع من غير وسع
يا قلبي للي زينا
أدينا في الآخر هنا
انت وانا
لوحدنا
لاحد غيري شاهد عليك
ولا حد باقي غيرك معاية
تعالى نتحاسب وقوللي
مين فينا أدام المراية

محمد سلامه
6 يونيو 2025

كلمات فيها ألم وفيها صدق وشعور بالغربة حتى وسط الناس
والحديث للنفس في الصورة المنعكسة في المرآة
وجعك ناطق وكلماتك فيها مرارة السنين
الحب.. الزمن.. الخيانة كلهم مروا في سطورك
هذا ليس شعرا ولكنه شهادة قلب تعب
بين السطور دمعة وآخرها تنهيدة
على عمر فات من غير حبيب ، وظهر انحنى في عز الشباب
ووحدة قاتلة.. وسؤال عاوز إجابة..
مين اللي فاضل معايا غيرك
ومرايا النفس دائما ما تفضح ما نحاول أن نخبأه.
بورك النبض والحرف الناطق
رغم الوجع يظل النص جميل بجرسه وحسه وعذويته
وإيقاعه آسر وحرفه باهر.
بورك الشعر والشعور.

كلمات فيها ألم وفيها صدق وشعور بالغربة حتى وسط الناس
والحديث للنفس في الصورة المنعكسة في المرآة
وجعك ناطق وكلماتك فيها مرارة السنين
الحب.. الزمن.. الخيانة كلهم مروا في سطورك
هذا ليس شعرا ولكنه شهادة قلب تعب
بين السطور دمعة وآخرها تنهيدة
على عمر فات من غير حبيب ، وظهر انحنى في عز الشباب
ووحدة قاتلة.. وسؤال عاوز إجابة..
مين اللي فاضل معايا غيرك
ومرايا النفس دائما ما تفضح ما نحاول أن نخبأه.
بورك النبض والحرف الناطق
رغم الوجع يظل النص جميل بجرسه وحسه وعذويته
وإيقاعه آسر وحرفه باهر.
بورك الشعر والشعور.

أعجز عن الرد أمام وصفك ، وشعورك بما أنظمه يدهشني أستاذة نادية
خالص تحيتي وتقديري لشخصك الكريم ومرورك العطِر دائما

أبيات رائعة من شاعر مرهف الحس
نص مبدع بكل ما في مشاعرك من صدق
أحرف تخضبت بالحزن وابشحت بجمال القافية وصدق المعنى
سامق بشعرك أيها الفاضل.

أبيات رائعة من شاعر مرهف الحس
نص مبدع بكل ما في مشاعرك من صدق
أحرف تخضبت بالحزن وابشحت بجمال القافية وصدق المعنى
سامق بشعرك أيها الفاضل.

تحيتي وتقديري لمرورك الألق أستاذة أسيل